Երևան Մարաթոնը կազմակերպվում է Երևան քաղաքի տարածքում: Մրցում անց է կացվում ծովի մակերևույթից 970-1070 մետր բարձրության վրա: Ընդհանուր բարձրացումը 21,1կմ-ի համար 165մ է, իսկ 42,2կմ-ի համար 300մ:

Ջերմաստիճանը մրցույթի ժամանակ պատմականորեն տատանվել է 10-20 աստիճան ցելսիուս:

Տարիքային խմբերի մարաթոնյան վազքի աշխարհի առաջնություն

Երևանի մարաթոնը ստացել է Abbott WMM Wanda Age Group World Championship 2025-ի որակավորման մրցույթի կարգավիճակ։

Abbott WMM Wanda Age Group World Championship-ի մասին

Abbott WMM Wanda Age Group World Championship-ն իրականացվում է Abbott World Marathon Majors and Wanda Group-ի կողմից։ Ցանկացած տարիքային խմբում առաջին տեղեր զբաղեցնող մասնակիցները կարող են մասնակցել AbbottWMM Wanda Age Group World Championships-ին՝ 2025թ․-ին Virgin Money Լոնդոնի Մարաթոնին։

Որակավորման մրցավազքերը ներառում է 6 հիմնական AbbottWMM մարաթոնները, ինչպես նաև տասնյակ մարաթոններ աշխարհի տարբեր երկրներում, որոնց ցանկում նաև Երևանի Մարաթոնն է։ Որակավորման մարաթոնների ցանկին կարելի է ծանոթանալ այստեղ՝ worldmarathonmajors.com.

Ինչպես է աշխատում AbbottWMM Wanda Age Group World որակավորումը?

AbbottWMM Wanda Age Group World Ranking որակավորման մրցույթի մասնակիցները կվաստակեն միավորներ՝ կախված իրենց տարիքային խմբից, մրցաժամանակից և սեռից՝ ըստ հետևյալ խմբավորման 40-44, 45-49, 50-54, 55-59, 60-64, 65-69, 70-74, 75-79, 80+:

Տրված ժամանակահատվածում մասնակիցը կարող է մասնակցել մի շարք որակավորող մարաթոնների․ հաշվի կառնվեն լավագույն երկու արդյունքների միավորները։ Յուրաքանչյուր տարիքային խմբի լավագույն վազորդները կստանան հնարավորություն մասնակցելու 2025 AbbottWMM Wanda Age Group World Championships գարնանային վազքին։

Միավորների հաշվարկման համակարգի մասին մանրամասներին կարելի է ծանոթանալ այստեղ՝ worldmarathonmajors.com

Ինչպիսի միավորներ են ստանում Abbott WMM 6-նյակի մասնակից վազորդները ?

Տարիքային խմբի յուրաքանչյուր հաղթող մասնակից կարող է հավաքել առավելագույնս 4000 միավոր մեկ մրցավազքի ընթացքում։ Abbott WMM շարքի 6 մարաթոնի խմբային հաղթողները ավտոմատ կերպով ստանում են 4000 միավոր։

Յուրաքանչյուր տարիքային խմբի մասնակից, ով մինչև 29 վայրկյան դանաղ է խմբի հաղթողից ստանում է 10 միավոր պակաս՝ 3990 միավոր։ 30-59 վայրկյան դանդաղ վազորդները ստանում են 20 միավոր պակաս՝ 3980 միավոր։ 60-89 վայրկյան վազորդները ստանում են 30 միավոր պակաս և այսպես շարունակ։

Ինչպիսի միավորներ են վաստակում 6 AbbottWMM -ում չներառված վազքերի մասնակիցները?

Այն վազորդների համար, ովքեր վազում են այնպիսի որակավորման մարաթոնների, որոնք ներառված չեն Abbott WMM 6-նյակում կա հատուկ սահմանված <պլատինե ժամանակ>։ Սա միջինացված ցուցանիշ է, որը մարաթոնի աշխարհի ռեկորդների միջին թվաբանականի և տարիքային խմբի գործակցի բազմապատիկն է՝ ըստ տարիքային խմբի և սեռի։

4000 միավոր ստանալու համար մասնակիցը պետք է առավել արագ վազի, քան սահմանված <պլատինում ժամանակը>։ Միավորների նվազեցումը հաշվարկվում է նույն կերպ, ինչ 6-նյակում՝ 10-ական միավոր է հանվում յուրաքանչյուր 29 վայրկյանի պարագայում։

Եթե տարիքային խմբի հաղթողի ժամանակն առավել քիչ է, քան <պլատինում ժամանակը>, ապա հաղթողին և նրան հաջորդող մասնակիցներին տրվող միավորները հաշվարկվում են հիմք ընդունելով հաղթող մասնակցի արդյունքը։

Յուրաքանչյուր տարիքային խմբի <պլատինե ժամանակային արդյունքները> հետևյալն են՝

Տղամարդիկ
40-44 — 2:26
45-49 — 2:34
50-54 — 2:41
55-59 — 2:50
60-64 — 3:00
65-69 — 3:09
70-74 — 3:21
75-79 — 3:51
80+ — 4:17

Կանայք 40-44 — 2:46
45-49 — 2:48
50-54 — 3:04
55-59 — 3:18
60-64 — 3:33
65-69 — 3:48
70-74 — 4:09
75-79 — 4:51
80+ — 5:33

Երևանի Մարաթոն մրցմանը կարող են մասնակցել.

• 42.2 կմ ՝ 18 տարեկան և ավելի մեծ մասնակիցներ
• 21.1 կմ ՝ 18 տարեկան և ավելի մեծ մասնակիցներ
• 12 կմ՝ 16 տարեկան և ավելի մեծ մասնակիցներ
• 5 կմ՝ 13 տարեկան և ավելի մեծ մասնակիցներ
• 1 կմ՝ երեխաներ՝ 3-12 տարեկան, 7 տարեկանից փոքր երեխաները պետք է վազեն ծնողի ուղեկցությամբ

Վազքի մասնակցության և տարիքային խմբերում ընդգրկվելու համար մասնակցի տարիքը որոշվում է 2024թ դեկտեմբերի 31-ի դրությամբ: Բացառություն են կազմում այն երեխաները, ովքեր նախագրանցված էին: Նրանց համար տարիքը կորոշվի2023թ դեկտեմբերի 31-ի դրությամբ: Վազքատարածքի հաղթահարման սահմանված ժամանակ՝ 5 ժամ 30 րոպե 42,2կմ վազքի համար և 3 ժամ 30 րոպե 21,1կմ վազքի համար։

Գրանցման արժեքը հետևյալն է․

• Տարեց մասնակիցները (65 տարեկան և ավելի մեծ) կարող են գրանցվել 50% զեղչով, տեղերի առկայության դեպքում։ Գրանցման համար անհրաժեշտ է գրելinfo@armeniamarathon.org հասցեին։
• ՀՀ բանակի զինծառայողները, որոնք մասնակցել են 2020 44-օրյա պատերազմին կարող են մասնակցել անվճար։ Գրանցման համար անհրաժեշտ է գրել info@armeniamarathon.org հասցեին։
• 5կմ, 12կմ, 21կմ և 42կմ վազքի մասնակցության վճարը չի ներառում մրցութային վերնաշապիկի վճարը: Ցանկության դեպքում մասնակիցները կարող են գնել շապիկը հավելավճարով:
• Մասնակցության վճարը ներառում է մրցութային վերնաշապիկ
• Մասնակցության կանխիկ վճարումը հնարավոր է իրականացնել Կոնվերսբանկի մասնաճյուղերում ՝ օգտագործելով հետևյալ ռեկվիզիտները:
  

  Կազմակերպության անվանումը - "ԱՐՄ ՄԱՐԱԹՈՆ" ՀԻՄՆԱԴՐԱՄ

  Բանկային հաշիվ - 1930067640570100

  Բանկ - "Կոնվերսբանկ"ՓԲԸ

  Նպատակը - Երևանի Մարաթոնի մասնակցության վճար

Մասնակցության վճարը վերադարձի ենթակա չէ: Մասնակցի և տարածության փոփոխում հնարավոր է իրականացնել մինչև 2024թ. ապրիլի 7-ը: Առավել կարճ մրցատարածություն փոխելու պարագայում վերջինիս և գրանցված տարածության գումարային տարբերությունը վերադարձի ենթակա չէ: Առավել երկար մրցատարածության պարագայում մասնակիցը պարտավորվում է վճարել տարբերությունը EXPO-ի ժամանակ կամ կատարել բանկային փոխանցում «Արմ Մարաթոն» հիմնադրամի բանկային հաշվեհամարին: Փոփոխությունների և հարցերի դեպքում կարող եք գրել info@armeniamarathon.org էլ. Փոստին:

• Մեկնարկի օր՝ Ապրիլի 28, 2024:
• Մեկնարկի վայր՝ Շահումյան Հրապարակ, Երևան, Հայաստան: Մեկնարկի և ավարտի կետերը համընկնում են։
• 42,2կմ և 21,1 կմ մրցատարածությունների պաշտոնական վազքուղին ընթանում է Երևանի կենտրոնով և Հրազդանի կիրճով:

Ջրի / սննդի կետերը տեղակայված են յուրաքանչյուր 4-5 կմ հեռավորության վրա: Կայաններում մասնակիցներին տրամադրվում են ջուր, Կոկա Կոլա, իզոտոնիկ ըմպելիքներ, մրգեր և էներգետիկ գելեր: Առաջին օգնություն հասանելի է մեկնարկ / ավարտ հատվածում, ինչպես նաև 5կմ և 12կմ, 24կմ, 36կմ կետերում տեղակայված բուժկետերում:

Սեղմել այստեղ Երևան Մարաթոնի կանոններին ծանոթանալու համար